Ümummilli Lider Heydər Əliyevin 100 illik yubileyi ilə əlaqədar Naxçıvan Muxtar Respublikası Doğum Mərkəzi publik hüquqi şəxsi tərəfindən tibbi aksiya keçirilib.

Naxçıvan Muxtar Respublikası Səhiyyə Nazirliyindən Aztibb.az-a bildirilib ki, aksiya nazirliyin təşkilatçılığı ilə baş tutub.

İlk olaraq Doğum Mərkəzinin həkim heyəti Naxçıvan şəhər 5 nömrəli tam orta məktəbdə olub.

Tibbi aksiya zamanı məktəbin 30 qadın işçisi arasında ginekoloji müayinələr aparılıb. Ultrasəs müayinəsindən keçirilən qadınlardan 4-də yumurtalığın kistası, 2-də disfunksional qanaxma aşkarlanaraq Doğum Mərkəzinə dəvət olunub, 2 qadında onkoloji problem olduğu üçün Onkoloji Mərkəzə yönəldilib. 7 qadında isə klimakterik sindrom aşkarlanaraq məsləhətlər verilib.

Müayinələr zamanı ginekoloq həkimlər tərəfindən maariflədirici söhbətlər aparılıb, ailə planlaşdırılması və qadın sağlamlığı haqqında ətraflı məlumatlar verilib.