Azərbaycan Respublikasında elan olunmuş qismən səfərbərliyə əsasən, ehtiyatda olan hərbçilər və müxtəlif kateqoriyalı mütəxəssislərin ordu sıralarına çağırılması prosesinə “AzeriMed” MMC-nin əməkdaşları da dərhal böyük ruh yüksəkliyi və mütəşəkkilliklə qoşulublar. Qısa müddət ərzində şirkətin ayrı-ayrı bölmələrinin xeyli əməkdaşı səfərbər olunaraq ordu sıralarına, hərbi hissələrin tabeçiliyinə yola salınıblar. Həmin əməkdaşların hamısının iş yeri və vəzifəsi saxlanılmaqla, əmək haqqlarının tam şəkildə ödənilməsi təmin olunacaq.

Aztibb.az xəbər verir ki, “AzeriMed” MMC rəhbərliyinin orduya dəstək məqsədilə ayırdığı 500 min manatlıq həyati vacib əhəmiyyətli sərfiyyat materialları və dərman preparatları da davamlı şəkildə Azərbaycan Ordusunun sərəncamına göndərilir.

Hər zaman dövlətin, ordumuzun yanında olan şirkət ümumi qələbəmiz üçün dəstək aksiyalarını davam etdirəcək.