Kanadalı alimlər tərəfindən dünyada ilk dəfə yeni üsul ilə uşaqlarda əməliyyat oluna bilməyən beyin şişlərinə kimyaterapiya tətbiq olunub.

Aztibb.az medimagazin.com.tr-yə istinadla bildirir ki, Torontodakı Sunnybrook Sağlamlıq Elmləri Mərkəzinin və Xəstə Uşaqlar üçün Xəstəxananın həkimləri, beynin ən çox yayılmış forması olan diffuz daxili pontin qlioma (DIPG) olan 15 yaşlı 6 xəstə uşağın beyin şişinə kimyaterapiya tətbiq etmək üçün MRT ilə ultrasəs müalicəsi həyata keçirdiblər. 

Ölümcül uşaq şişlərini müalicə edəcək yeni texnikanın klinik sınaqlarına başlanılıb. Dünyada bir ilk olan bu tətbiq DIPG diaqnozu qoyulmuş 5-18 yaş arası daha 10 xəstəyə tətbiq olunacaq. Tədqiqat iştirakçıları Sunnybrook Sağlamlıq Elmləri Mərkəzində fokuslanmış ultrasəs terapiyası alacaqlar ki, bura təxminən dörd-altı həftə ara ilə üç dövrə kimyaterapiya daxildir.

Mərkəzdən verilən açıqlamada bildirilib ki, yeni üsul qan-beyin baryerini keçmək üçün aşağı intensivlikli ultrasəsdən istifadə etməklə işləyir. Qan-beyin baryeri beyindəki kapilyarlarla beynin digər yumşaq toxumaları arasında yerləşən sıx şəkildə yığılmış hüceyrələrin qoruyucu şəbəkəsidir. Bu hüceyrə şəbəkəsi onları qoruyur, beyni zərərli maddələrdən və toksinlərdən təmizləyir. Ultrasəsin işə girdiyi yerdə səs dalğalarının gücündən istifadə edərək beyin ətrafındakı qan-beyin baryeri müvəqqəti olaraq keçir.

Xəstəyə qırmızı qan hüceyrələrindən daha kiçik mikroskopik qabarcıqlar venadaxili yeridilir. Ultrasəs dalğaları bu mikroskopik qabarcıqların titrəməsinə, qan-beyin baryerini meydana gətirən hüceyrələr arasındakı boşluğun genişləndirilməsinə və müvəqqəti qan hüceyrələrinin meydana gəlməsinə səbəb olur.