Bu gün “Vərəmsiz Gələcəyə Doğru” İctimai Birliyi və Səhiyyə TV arasında qarşılıqlı əməkdaşlıq üzrə memorandum imzalanıb.
Aztibb.az Səhiyyə TV-yə istinadla xəbər verir ki, müqaviləyə əsasən, mövcud əlaqələrin səviyyəsinin yüksəldilməsi və möhkəmləndirilməsinə hədəflənən qarşıqlı maraq, eləcə də tibbi sosial, iqtisadiyyat, habelə elmi və texniki sahələr üzrə əhalinin sağlamlığının qorunması sahəsində beynəlxalq təcrübənin tətbiqi imkanlarının araşdırılması məqsədilə beynəlxalq təşkilatlarla əməkdaşlıq etmək planlaşdırılır. Həmçinin xarici dövlətlərin müvafiq əlaqəli təcrübəsini mənimsəməklə ölkə səhiyyəsinin inkişafı, səhiyyə sahəsində innovasiyaların tətbiqi və tibb yönümlü layihələrin gedişatının cəmiyyətə çatdırılması istiqamətində qarşılıqlı əməkdaşlıq nəzərdə tutulub.
Hər iki qurum rəhbəri arasında bu istiqamətdə gələcək planlar müzakirə edilib və vərəm ilə bağlı vətəndaş cəmiyyətinin əldə etdikləri nailiyyətlərin geniş ictimaiyyətə təqdim edilməsi prosesinin birgə qurulacağı məqamlara toxunulub.
