"Həkimlərimizi tanıyaq!" rubrikamızda Sizə Mərkəzi Gömrük Hospitalının funksional diaqnostika sahəsində çalışan, neyrofizioloji tədqiqatlar üzrə yüksəkixtisaslı həkim-funksionalisti Gülər Miriyevanı təqdim edirik.

O, Mərkəzi Gömrük Hospitalında beynin funksional aktivliyini müəyyən edən epilepsiya diaqnostikasını, Elektroensefaloqrafiya, Elektroneyromioqrafiya, əzələ və periferik sinirlərin müayinəsini, birincili əzələ patologiyası olan miopatiyanı, ikincili nevral patologiyaların müayinəsi ilə məşğul olur.

Gülər Miriyeva 1972-1978-ci illər ərzində Azərbaycan Tibb Universitetinin Müalicə işi fakültəsində təhsil alıb, 1978-1979-cu illərdə 1 saylı şəhər xəstəxanasında ümumi terapiya ixtisası üzrə internatura keçib.

1979-2011-ci illərdə müxtəlif dövlət və özəl tibb müəssisələrində çalışan Gülər həkim 2011-ci ildən Mərkəzi Gömrük Hospitalında həkim-funksionist kimi fəaliyyət göstərir.

Gülər Miriyeva hər zaman öz üzərində çalışır, tibbi yenilikləri diqqətlə izləyir və müalicə zamanı sübutlu təbabət prinsiplərinə əsaslanaraq peşəkar fəaliyyət göstərir. Uzun illər ərzində o, əldə etdiyi geniş təcrübəni hər bir xəstəyə fərdi yanaşma tətbiq edərək istifadə edir və xəstələrin ən qısa müddət ərzində şəfa tapması üçün yorulmadan çalışır. Həkim daim beynəlxalq elmi tədbirlərdə, təkmilləşdirmə kurslarında, konfrans və konqreslərdə iştirak edir.

Funksionalist barədə daha ətraflı məlumat almaq üçün aşağıdakı linkə daxil ola bilərsiniz:

https://customshospital.az/guler-miriyeva/.

Həkimin qəbuluna yazlımaq üçün Çağrı Mərkəzinin (012) 404-08-08 nömrəsi ilə əlaqə saxlamaq olar.