3 həftə öncə xroniki böyrək xəstəliyinə bağlı, həftədə 3 dəfə olmaqla hemodializ proqramı alan xəstəmizə ürək əməliyyatı və böyrək köçürülmə əməliyyatı icra etdik.

 

Bu barədə Aztibb.az-a Mərkəzi Klinikanın həkim-nefroloqu Xəyal Rüstəmov məlumat verib.

 

O, bildirib ki, əvvəlcə Mərkəzi Klinikanın baş həkimi, Ürək-damar cərrahiyyəsi şöbəsinin cərrahı, professor Kamran Musayev tərəfindən pasiyentin sağ qulaqcığındakı tromb xaric edilib. Daha sonra anasından alınan böyrək xəstəyə köçürülüb. Hər iki əməliyyat uğurla nəticələnib.

 

"Xəstə 3 həftə sonra kontrol müayinədə hər şey yolunda olduğu üçün sevincli idi. Orqan nəqli komanda işidir. Əməyi keçən hər kəsə təşəkkür edirəm", - deyə nefroloq Xəyal Rüstəmov bildirib.