Sağlamlıq Elmləri Universiteti (SBU) Antalya Təhsil və Araşdırma Xəstəxanasında tikişsiz aorta qapağı mini dövrəli ağciyər aparatı ilə dəyişdirilən və iki ürək damarı bypass edilən 85 yaşlı xəstənin əməliyyatı tibbi ədəbiyyata daxil olub.

Aztibb.az medimagazin.com.tr-yə istinadla xəbər verir ki, Manavqatda yaşayan Turan Tanır döş qəfəsində şiddətli ağrı şikayəti ilə xəstəxanaya müraciət edib. Təzyiq və şəkər xəstəsi olan Tanırın aorta qapağında ağır darlıq olduğu və iki koronar damarın tıxandığı müəyyən edilib.

Riskli hesab edildiyi üçün əməliyyat tövsiyə edilməyən Tanir nəfəs almaqda və yeriməkdə çətinlik çəkməsi və ağrıların artması səbəbindən Antalya Təhsil və Araşdırma Xəstəxanasına müraciət edib. Çatışmaz aorta qapağı mini-dövrəli ağciyər aparatının köməyi ilə dəyişdirilən xəstədə iki ürək damarı bypass edilib. Qan köçürülmədən tezliklə tənəffüs aparatından ayrılan xəstə qısa zamanda sağlamlığına qovuşub.