Milli Onkologiya Mərkəzinin Endoskopiya şöbəsinin həkim–onkoloqu Nigar Əliyevaya Azərbaycan Respublikasının Prezidenti yanında Ali Attestasiya Komissiyasının qərarı ilə tibb elmləri üzrə fəlsəfə doktoru elmi dərəcəsi verilib.

Aztibb.az xəbər verir ki, o, akademik Cəmil Əliyevin elmi rəhbərliyi ilə “Uşaqlıq boynu xərçənginə görə kimyaradioterapiya almış xəstələrdə yaranan xroniki radiasion proktitlərin diaqnostika və müalicəsi” mövzusunda dissertasiya işini uğurla müdafiə edib.

"Dissertasiya işinin ərsəyə gəlməsində rolu olan hər kəsə, başda elmi rəhbərim, görkəmli elm xadimi, akademik Cəmil Əliyev olmaqla bütün həkimlərə, t.ü.f.d. Sevinc Rəhimzadəyə, prof. İsa İsayevə, t.ü.f.d. Niyazi Əsgərova, eləcə də əziyyət çəkən rəyçi və oponentlərə, məni daim dəstəkləyən və yönləndirən ailəmə, doğma Endoskopiya şöbəsinin əməkdaşlarına minnətdarlığımı bildirirəm. Xalqıma xeyirli olmağa və bu ada həmişə layiq olmağa çalışacağam", - Nigar Əliyeva bildirib.