Aztibb.az-ın "Həkimlərimizi tanıyaq!" rubrikasında bütün mənalı həyatını şərəfli işinə, müqəddəs peşəsinə, insanların problemlərinə və sağlamlığına həsr etmiş təcrübəli həkim Lalə Quliyevadan söz açacağıq.
Lalə Bədəl qızı Quliyeva 27 mart 1968-ci ildə Əli Bayamlı (Şirvan) şəhərində anadan olub. 1987-1993-cü illərdə N.Nərimanov adına Azərbaycan Dövlət Tibb Universitetinin II Müalicə profilaktikası fakültəsində təhsil alıb. 1993-1994-cü ildə Şirvan Şəhər Mərkəzi Xəstəxanasında həkim internatura keçib.
O, 1994-2000-ci illərdə Hacıqabul MRX-nın Poliklinika şöbəsində həkim endokrinoloq işləyib. 2000-ci ildə 2 nömrəli Terapevtik şöbədə sahə həkimi, terapevt, 2002-ci ildə Mərkəzi Poliklinikada həkim-endokrinoloq vəzifəsində çalışıb. Hazırda Poliklinikada endokrinoloq kimi fəaliyyətini davam etdirir.
Həkim 2021-ci ildə “Endokrinologiyanın aktual problemləri” mövzusunda elmi–praktiki konfransda sertifikata layiq görülüb. 2021-ci ildə IV Azərbaycan Diabet Konqresində Sertifikata layiq görülüb.
Lalə həkim 2013-cü il sertifikasiyadan keçib. 2014-cü ildə Fəxri Fərmanla təltif olunub.