2022-ci ilin aprel ayından etibarən Elmi-Tədqiqat Kardiologiya İnstitutu tərəfindən, İcbari Tibbi Sığorta üzrə Dövlət Agentliyi və TƏBİB-in dəstəyi ilə ölkə ərazisində şəhid və qazi ailələri üçün tibbi-maarifləndirici aksiyalar keçirdir.

İnstitutdan Aztibb.az-a bildirilib ki, aksiyalar çərçivəsində 1000-ə yaxın həssas kateqoriyaya aid vətəndaş müayinədən keçib. Aksiyalar Bakı, Abşeron, Sumqayıt, Cəlilabad, Şamaxı, Ağsu, Qobustan, Zaqatala, Şəki, Quba, Qusar, Xaçmaz və Gədəbəydə təşkil olunub.

Qeyd edək ki, Azərbaycan dövləti şəhid ailələrinə, müharibə veteranlarına və qazilərə daim xüsusi diqqət və qayğı göstərir. Məhz bu siyasəti rəhbər tutaraq Elmi-Tədqiqat Kardiologiya İnstitutun əməkdaşları şəhid ailələri və qazilər üçün tədqirəlayiq addımlar atıb.