Balakən Rayon Mərkəzi Xəstəxanasında ümummilli lider Heydər Əliyevin anım gününə həsr olunmuş tədbir keçirilib.
Əvvəlcə Ulu Öndərin xatirəsi bir dəqiqəlik sükutla yad edilib.
Tədbiri giriş sözü ilə Balakən rayon Mərkəzi Xəstəxanasının direktoru Dilbər Quliyeva açıb. O, görkəmli dövlət xadimi Heydər Əliyevin vətənimiz qarşısında tarixi xidmətlərindən, dövlətçiliyimizin inkişafı, xalqın rifahının yaxşılaşdırılması üçün gördüyü işlərdən danışıb.
Daha sonra Balakən rayon SİHİ şurasının sədri Könül Mustafayeva çıxış edərək bildirib ki, ümummilli lider Heydər Əliyev öz xalqına, millətinə misilsiz xidmətləri ilə yaddaşlara əbədi həkk olunmuşdur.
Bildirilib ki, məhz Heydər Əliyevin əsasını qoyduğu və Müzəffər Ali Baş Komandan İlham Əliyevin uğurla davam etdirdiyi uzaqgörən siyasət nəticəsində 44 günlük Vətən müharibəsində Azərbaycanın ərazi bötövlüyü bərpa edildi.
Tədbir iştirakçıları, həmçinin Ulu Öndərin Balakəndə ucaldılmış abidəsini ziyarət edib, önünə gül dəstələri qoyublar.
