Rusiya Federasiyasının hazırda Azərbaycanda olan bir qrup həkimi Sumqayıtda fəaliyyət göstərəcək.

Aztibb.az xəbər verir ki, rusiyalı mütəxəssislər Sumqayıtda COVID-19-la mübarizə üzrə fəaliyyət göstərən 1 saylı şəhər xəstəxanasına cəlb olunublar. Onların arasında anestezioloq-reanimotoloq və ixtisaslaşmış tibb bacıları var. Rusiyalı həkimlər yerli həmkarları ilə birgə COVID-19-a yoluxan xəstələrin müalicəsində yaxından iştirak edirlər.

Xəstəxanada fəaliyyət göstərən hər biri 10 çarpayılıq Reanimasiya və İntensiv terapiya şöbələri birləşdirilib.

Qeyd edək ki, Tibbi Ərazi Bölmələrini İdarəetmə Birliyi xəstəxananın Reanimasiya şöbəsinin müasir tibbi avadanlıqlarla təchizatını diqqətdə saxlayır.