Tərtər Rayon Mərkəzi Xəstəxanasının əməkdaşları Zəfər Günü münasibətilə torpaqlarımızın azadlığı uğrunda canından keçən şəhidlərin ailə üzvlərini ziyarət ediblər.

Xəstəxananın əməkdaşları onlarla həmsöhbət olub, mənəvi dəstəklərini ifadə ediblər.

Görüşlər zamanı şəhidlərimizin müqəddəs amal uğrunda canlarından keçdiyi və onların qəhrəmanlıqlarının daim Azərbaycan xalqının yaddaşında qalacağı qeyd edilib. Mərd oğullarımızın qəhrəmanlıqla dolu döyüş yolu xatırlanıb, hər birinin göstərdiyi igidlikdən bəhs olunub.

Şəhidlərimizin ailə üzvləri onlara göstərilən diqqət və qayğıya görə başda direktor olmaqla xəstəxana əməkdaşlarına minnətdarlığını bildiriblər.