Dünyada həkimlik qədər şəfalı, şəfqətli, xeyirxah və humanist peşə yoxdur. Bütün zamanlarda, xalqlar arasında həkim cəmiyyətin ən çox sevilən və hörmət edilən təbəqəsi sayılıb, onların haqqında hikmətli sözlər yazılıb. Seçdiyi peşəsindən, mövqeyindən asılı olmayaraq, hər kəsin qəlbində bu sənət sahiblərinə qarşı ali hisslər yaşayır.

Aztibb.az-ın "Həkimlərimizi tanıyaq!" rubrikasında Tərtər Rayon Mərkəzi Xəstəxanasının həkim-onkoloqu Tərlan Əliyevadan bəhs edəcəyik.

Tərlan Papır qızı Əliyeva 25 iyun 1969-cu ildə Tərtər rayon Ələsgərli kəndində anadan olub. 1988-1994-cü illərdə Nəriman Nərimanov adına Azərbaycan Tibb İnstitutunda təhsil alıb.  1995-ci ildə "onkoloq" ixtisası üzrə internatura keçib.

O, hazırda fəaliyyətini Tərtər Rayon Mərkəzi Xəstəxanasında həkim-onkoloq kimi davam etdirir.

Tərlan Əliyeva müxtəlif konfrans və seminarların iştirakçısı olmuç, sertfikat və diplomlara layiq görülmüşdür.