Vətən müharibəsində iştirak edən qəhrəman tibb işçilərindən biri də Saatlı Rayon Mərkəzi Xəstəxanasının Dəstək xidmətləri şöbəsinin Təhlükəsizlik bölməsinin mühafizəçisi Xubəli Cəfərovdur.

Xubəli Səbuhi oğlu Cəfərov 31 dekabr 1998-ci ildə Saatlı rayonunda anadan olub. O, 21 sentyabr 2020-ci ildə Vətən uğrunda II Qarabağ müharibəsinə yollanıb.

Müharibə zamanı göstərdiyi qəhrəmanlıq və igidlik döyüş yoldaşları və komandanlıq tərəfindən müsbət qarşılanıb. Müharibə zamanı göstərdiyi şücaətlərə görə o, "Zəngilanın azad olunmasına görə", "Qubadlının azad olunmasına görə", "Laçının azad olunmasına görə", "Döyüşdə fərqlənməyə görə", "Vətən müharibəsi iştirakçısı" medalları ilə təltif olunub. 

Hazırda Saatlı Rayon Mərkəzi Xəstəxanasının Dəstək xidmətləri şöbəsinin Təhlükəsizlik bölməsinin mühafizəçisi vəzifəsində çalışır.