Rusiya Federasiyasının Səhiyyə Nazirliyi yeni koronavirus infeksiyasının COVID-19 profilaktikası, diaqnozu və müalicəsi üçün müvəqqəti təlimatların səkkizinci versiyasını təqdim edib.
Aztibb.az Remedium.ru-ya istinadən xəbər verir ki, nazirlik koronavirus infeksiyasının müalicəsi ilə bağlı bölmənin daha geniş formada yenidən işləndiyini açıqlayıb.
"Müalicə rejiminə sistemli antiinflamatuar terapiya üçün yeni bir dərman - Levilimab daxil edilib. Etiotropik müalicə bölməsində əhəmiyyətli dəyişikliklər edilib.
Lopinavir və ritonavir dərmanları COVID-19 müalicəsində kifayət qədər effektivlik göstərmədiyi üçün tövsiyələrdən xaric edilib.
Hidroksixlorokin yüngül və orta dərəcədə xəstəliyi olan xəstələrin müalicəsində istifadə edilir. Belə ki, hidroksiklorokinin istifadəsinin, əks göstərişlər nəzərə alınmaqla simptomların başlanmasının ilk günlərindən tətbiq edildiyi zaman xəstəliyin inkişafının ilk mərhələlərində təsirli olduğunu göstərir.
Rusiya Səhiyyə Nazirliyinin Gamaleya Epidemiologiya və Mikrobiologiya Tədqiqat Mərkəzi tərəfindən hazırlanmış Gam-Covid-Vak koronavirus peyvəndinin qeydiyyatı ilə əlaqədar olaraq yeni bir hissə - spesifik profilaktika tətbiq olunub. Yeni bölmədə aşı üçün göstəricilər və əks göstərişlər, həmçinin prioritet peyvənd üçün prioritet qrupların siyahısı təsvir edilib.
Deksametazon daxil olmaqla qlükokortikoidlərin və digər sistematik antiinflamatuar dərmanların istifadəsi sxemləri optimallaşdırılıb", - nazirliyin mətbuat xidmətinin məlumatında qeyd edilib.
Nazirlik, tövsiyələrin yeni versiyasında xəstəliyin erkən mərhələlərində reabilitasiya sxemlərini genişləndirdiyini vurğulayıb:
“Sağalan xəstələrin sayının sürətlə artması reabilitasiya bölməsinə diqqət yetirməyi zəruri edir. Xəstəliyin ilkin mərhələlərində reabilitasiya sxemləri genişləndirilib. Maksimum və optimal diaqnostika üçün müvafiq bölmə yenidən işlənib və yeni məlumatlarla tamamlanıb. Diaqnostik alqoritmlər antikorların aşkarlanması, immunoglobulin əsaslı aşkarlama üçün sürətli testlər və COVID-19 antigeninin aşkarlanması üçün bir test sistemi daxil olmaqla, Rusiya istehsalı olan yeni test sistemləri istifadə edilərək yenilənib.
