Rusiya Prezidenti Vladimir Putin avqustun 11-də koronavirusa qarşı dünyada ilk vaksinin qeydiyyatı haqqında məlumat vermişdi. Dövlət başçısının sözlərinə görə, "Sputnik V" peyvəndini qızı sınaqdan keçirib və onda temperaturun yüksəlməsi müşahidə olunub.
Aztibb.az medikforum.ru saytına istinadla xəbər verir ki, Rusiya Elmlər Akademiyasının (REA) akademiki, Mikrobiologiya, virusologiya və immunologiya kafedrasının rəhbəri Vitali Zverev bildirib ki, vaksinə qarşı prezidentin qızının reaksiyası arzuedilməzdir və neqativ nəticələrə səbəb ola bilər.
"Adətən vaksinin tətbiqi zamanı bu kimi arzu edilməyən reaksiyaya nadir hallarda rast gəlinir", - alim izah edib.
O, qeyd edib ki, bu səbəbdən müalicə və ya spesifik profilaktika üçün kütləvi tətbiq edilməsi nəzərdə tutulan istənilən preparat dəqiqliklə öyrənilməlidir.