Tez-tez yaranan aclığın qarşısını almaq üçün MƏSLƏHƏTLƏR

Tez-tez yaranan aclığın qarşısını almaq üçün MƏSLƏHƏTLƏR

26.12.2021 20:22

Havaların soyuq keçməsi və oturaq işlə əlaqədar açıq havaya çıxmaq imkanları azalır, nəticədə insulin mübadiləsi pozulur və bir çox insanda tez-tez yemək istəyi yaranır.

Aztibb.az xəbər verir ki, yuxu pozğunluğu və az su içmək də bu problemə yol açır.

Həmçinin insulin metabolizmasındakı dəyişikliklər və şəkər xəstəliyi kimi sağlamlıq problemləri ilə yanaşı, gündəlik həyatda edilən bəzi yanlışlar da tez-tez yemək istəyini artıra bilər.

Bədənə daxil olan enerji sərf edilmədikdə, bu, insan orqanizmində piylənməyə səbəb olur. Piyləndikcə isə iştaha artır və daha çox yemək yeyilir.

Keyfiyyətli yuxu yaxşı metabolizm üçün vacibdir. Bədənin ritmini pozan həyat tərzində sirkadiyalı ritm pozulduğundan hormonların fəaliyyəti də pozula bilər. Gecə çox gec yatıb günorta oyanmaq da bədən ritmini pozan ən əhəmiyyətli faktordur.

Gec yatanlar və gec oyananlar adətən müntəzəm yemək yemirlər və onların tez-tez yemək istəyi xüsusən də gecələr çox yüksək olur.

Müntəzəm yemək yesələr də, bir çox insan tez-tez ac qalmaqdan şikayətlənir. Yalnız salat yemək və şorba içmək əsas yeməklərdə kalori ehtiyacını qarşılamır. Bu, yeməkdən qısa müddət sonra yenidən aclığa səbəb ola bilir.

Gündəlik karbohidrat ehtiyacının maksimum 10 faizi sadə karbohidratlardan alınmalıdır. Nə qədər sadə karbohidratlar istehlak edilərsə, şirniyyata ehtiyac bir o qədər çox yaranır. Bir porsiya desertdə adətən 50-60 qram karbohidrat var ki, bu da yetkin bir qadının gündəlik sadə karbohidrat miqdarının təxminən 3 qatına bərabərdir. Həftədə ən çox iki dəfə şirniyyat yemək tövsiyə olunur.

Yalnız zülal və ya karbohidratlardan ibarət yemək tez aclığa səbəb olur. Yaxud yalnız ət, salat və ya makaron yemək çox vaxt enerji və karbohidrat çatışmazlığına gətirib çıxarır, buna görə də yeməkdən 1-2 saat sonra yenidən yemək istəyi yaranır. Adekvat və balanslı yemək üçün sağlam boşqab modeli tətbiq edilməlidir.

Hər şeydən əvvəl aclığın fiziki yoxsa emosional olduğunu müəyyən etmək lazımdır. Duygusal aclıq birdən baş verir və yemək istəyi artır. Qəfil mətbəxə gedib bir şey yemək əvəzinə ilk növbədə aclığınızı dəyərləndirməlisiniz. Əgər siz süfrədən yeni qalxmısınızsa, ən yaxşısı bir şey yemək əvəzinə su içmək və diqqətini başqa işlərə yönəltməkdir. Əgər son yeməkdən 3-4 saat keçibsə, zülalı olan meyvə və ya tərəvəz yemək lazımdır.

Susuzluq bəzən aclıq kimi hiss edilə bilər. Gərgin günlərdə aclıq və susuzluğu ayırd etmək çətin olur. Belə olduqda kifayət qədər maye qəbulu ilə bu vəziyyətin qarşısını almaq olar. Lakin çay və qəhvəni su istehlakı kimi düşünməməliyik. Bitki mənşəli çaylar, meyvə suyu, mineral sular və ayran su qrupuna daxildir.

Sağlamlıq üçün çoxlu maye içmək qədər vacib olan digər bir məqam isə həmin mayelərin tərkibidir. Şəkərli və şirinləşdirilmiş mayelər insulin ifrazını artır. Gün ərzində nizamlı və tez-tez şəkərli içkilər qəbul etməkdən qətiliklə çəkinmək lazımdır.

Daimi hərəkət və məşq insulin ifrazını idarə etməkdə çox təsirlidir. Gün ərzində çox hərəkətsiz olmaq da insulin ifrazının artmasına səbəb ola bilir. Bunun qarşısını almaq üçün gündə 8 min addım atmağı və ya həftədə 2 saat idman etməyi hədəfləmək lazımdır.