Tiroid vəzinin az çalışması - hipotireoz, həddən çox çalışması - hipertireoz, həcmcə böyüməsi isə ur və ya zob adlanır. Uşaqlarda ən çox az çalışma - hipotireoza rast gəlinir.

Aztibb.az mütəxəssislərin rəyinə əsaslanaraq xəbər verir ki, uşaq  anadan olduqdan sonra istənilən yaşda tireoid pozğunluğu yarana bilir və ən çox hipotireoz və ur (zob) əmələ gəlir. Bu isə çox vaxt yod çatmamazlıgı və yaxın qohumlar arasında evlilik zamanı baş verir.

Hətta yeni doğulmuşlarda tiroid çalışması az olanlarda diaqnoz vaxtında qoyulmazsa uşagın beyninin inkişafının geriyədönməz dəyişikləri baş verir ki, bu da həyati vacib sayılır. Bu səbəbdən bütün dünyada uşaq anadan olandan 72 saat sonra hipotireozu aşkarlama testi aparılır.

Şubhəli və müsbət testi olan uşaqlar bu sahənin həkimləri tərəfindən daha geniş müayinə olunub müalicəyə başlanılır. Əgər bu test uşaqlarda aparılmazsa və həmin uşaqlarda hipotireoz olmuş olsa belə uşaqların beynində geridönməz dəyişiklər əmələ gəlməyə başlayır.

Anadangəlmə hipotiroidli uşaqların bir qismində tiroid vəzi ana bətnində ikən heç inkişaf etməmiş və ya normal inkişafdan çox geri qalmış olur. Yəni belə uşaqlarda anadangəlmə bir orqanın inkişaf qüsuru olur.

Uşaqlarda beyinin inkişafı üçün ilk üç il, əlaxüsus ilk 6 ay çox vacibdir. Bu dövrdə beyindəki sinir hüceyrələrinin sağlam inkişafı üçün tiroid hormonlarının kifayət qədər səviyyədə olması əsas şərtdir.

Uşağın hipotiroidi varsa beyin hüceyrələrinin inkişafı pozulur və ömürlük ağıl zəifliyi meydana çıxır. Bu xəstələrə sonradan tiroid hormonu verilsə belə inkişaf etmiş beyin qüsuru geri dönülməzdir.