Altıncı xəstəlik – Roseola Infantum - aztibb.az AZƏRBAYCANIN SƏHİYYƏ XƏBƏR PORTALI

Altıncı xəstəlik – Roseola Infantum

07.11.2021 23:16

Bir neçə gün yüksək hərarətlə irəliləyən və sonra dəri səpgiləri ilə özünü göstərən altıncı xəstəlik virusların səbəb olduğu və adətən 6 aydan 3 yaşa qədər uşaqlarda müşahidə olunan xəstəlikdir.

Aztibb.az xəbər verir ki, 9-21 aylıq uşaqlarda tez-tez rast gəlinən bu xəstəlik daha çox yaz və payız aylarında baş verir. Bu xəstəliyə tutulan uşaqlar xəstəliyə qarşı ömürlük immunitet qazanırlar. Xəstəlik boyu yüksək hərarət ailələr tərəfindən lazımsız olaraq yüksək dozada antibiotik istifadəsinə səbəb ola bilər.

Hansı yaş qrupunda uşaqlarda rast gəlinir?

Xüsusilə yaz və payız aylarında daha çox rast gəlinir. Altıncı xəstəliyə qarşı hələlik peyvənd hazırlanmayıb və onun törədicisi “Herpes virus tip 6” adlı virusdur.

Altıncı xəstəlikdə ən əhəmiyyətli simptom səpgilər görünənə qədər yüksək hərarətdir. Uşağın hərarəti 39 -39,5 dərəcəyə qədər yüksələ bilər. Əllərdə və ayaqlarda yüngül qançırlar və titrəmələr ola bilər. Bəzən qızdırma səbəbiylə qıcolma da . Bunlara əlavə olaraq baş ağbaş verir.

Ürəkbulanma, qusma, diqqətin yayınması, huşunu itirmə meydana gələ bilər. Uşağın kifayət qədər maye qəbul etmədiyi hallarda dəridə quruluq, gözlərdə yüngül çökmə və halsızlıq müşahidə olunur.

6-cı xəstəlikdə səpgilər bədəndən başlayır və sonra qollara yayılır. Səpkilər növünə görə digər xəstəliklərdən fərqlənir, görünən kimi 2-3 saatdan sonra solmağa başlayır, 2-3 günə yox olur, iz qoymur.

Öskürən və ya asqıran xəstə uşaq tərəfindən yayılan damcılar yoluxmaya səbəb ola bilər. Xəstəlik körpələr üçün böyük risk yaradır, çünki ötürülmə tənəffüs yolu ilə olur.

Xəstəliyin qarşısını almaq üçün ümumi gigiyena qaydalarına riayət edilməlidir. Əllər yaxşı yuyulmalı, körpənin təmasda olduğu hər şey dezinfeksiya edilməlidir. Xüsusilə ağzına götürdüyü bütün əşyalar təmizlənməlidir. Virus orqanizmə daxil olduqdan sonra adətən reproduktiv dövr üçün insan orqanizmində orta hesabla 9 gün qalır.

Xəstəlik necə müalicə olunur?

Xəstəliyin xüsusi müalicəsi yoxdur. Ancaq qızdırmanı azaltmaq üçün müdaxilə edilə bilər. Xəstəlik zamanı uşaq çoxlu maye qəbul etməli və yaxından təqib edilməlidir.

Hər hansı bir xəstəlikdə olduğu kimi, qidalanma çox vacibdir. Uşaqlar xəstələnəndə iştahı azalır. Ailələr bu vəziyyətlərdə böyük səbr göstərməlidirlər.

Daim temperaturu ölçməli, uşağa yaxından qulluq etməli, onlara bol maye, təzə meyvə şirəsi, kokteyllər, eləcə də şorbalar hazırlayıb verməlidirlər.