Bir müddət öncə koronavirusa yoluxaraq sağalmış həkim, ümumi cərrahiyyə uzmanı Niyazi Eminov bu gün müalicə aldığı Mərkəzi Gömrük Hospitalından evə buraxılıb.
Niyazi Eminov Aztibb.az-a açıqlama verib. O, Mərkəzi Gömrük Hospitalında müalicə aldığı müddətdə burada göstərilən xidmətlərin keyfiyyəti, aparılan müalicələr barədə təəssüratlarını bölüşüb:
"ECMO cihazına qoşulma zərurəti yarandığından atam tərəfindən ölkə Prezidenti cənab İlham Əliyeva müraciət olundu. Prezidentin göstərişinə əsasən və Azərbaycan Respublikası Dövlət Gömrük Komitəsinin sədri, gömrük xidməti general-polkovniki Səfər Mehdiyevin, Dövlət Gömrük Komitəsi Tibbi Xidmət İdarəsinin rəisi, tibb xidməti general-mayoru Ceyhun Məmmədovun və Mərkəzi Gömrük Hospitalının baş həkimi Elman Məmmədovun səyləri nəticəsində 86 saturasiya ilə Mərkəzi Gömrük Xəstəxanasına köçürüldüm”.
Klinikada reanimasyon xidmətlərin olduqca yüksək səviyyədə təşkil olunduğunu vurğulayan N.Eminov peşəkar həkim kollektivi sayəsində qısa müddət ərzində reanimasiya müalicəsinin tamamlandığını deyib. Reanimasiyada qaldığı üçün hazırda əzələ zəifliyi şikayətlərinin olduğunu bildirən N.Eminov bununla bağlı Mərkəzi Gömrük Hospitalının Fizioterapiya şöbəsində müalicəyə başladığını da qeyd edib.
“Fiziki aktivliyin tam bərpası üçün müəyyən qədər vaxt tələb olunur. Yaxın zamanda həkimlik fəaliyyətimə qayıdacağımı düşünürəm”.
“Azərbaycanda koronavirusa qarşı müalicə çox yüksək səviyyədə təşkil olunub”, - deyə bildirən N.Eminov müalicə zamanı aparılan kompleks tədbirlərin heç bir ödəniş olunmadan həyata keçirilməsinin dövlətimizin insanlara olan qayğısının nəticəsi olduğunu qeyd edib.
Həkimin sözlərinə görə, hələ 90-cı illərdən başlayaraq Azərbaycan həkimlərinin xaricdə təhsil proqramları ilə digər ölkələrdə təhsil almalarına dövlət tərəfindən dəstək göstərilməsi nəticəsində ölkəmizdə tibbi xidmətlərin səviyyəsi inkişaf etmiş ölkələrdən geri qalmır. Əlavə edib ki, COVID-19-u ağır keçirmiş biri olaraq tamamilə sağalmağı ölkə səhiyyəsinin inkişafının bariz göstəricisidir.
Qeyd edək ki, Niyazi Eminov
