Türkiyənin Ege Universitetinin Tibb Fakültəsinin Biostatistika və Tibbi İnformatika Bölümünün əməkdaşı, Dr. Aslı Suner Karakülah və İzmir Biotibb Genom Mərkəzinin bir qrup tədqiqatçısı tərəfindən koronavirusun ən çox mutasiya olunmuş genləri təyin edilib.

Aztibb.az medimagazin.com.tr-yə istinadən xəbər verir ki, universitetin açıqlamasına görə, tədqiqat qrupu müxtəlif ölkələrdə xəstələrdən toplanan ümumilikdə 30 min koronavirus genomu məlumatının yer aldığı "Bütün Qrip Məlumatlarını Paylaşma Qlobal Təşəbbüsü" (GISAID) üzərində araşdırma aparıblar.

Açıqlamada Dr. Karakülah aparılan tədqiqatlar zamanı virusun təyin olunmuş dəyişikliklərinin genlərə eyni nisbətdə paylanmadığını və bəzi virusların digərlərindən daha çox dəyişdiyini təyin etdiklərini bildirib.

O, fikirlərinin statistik və bioinformatik analiz nəticələrinə əsaslandığını söyləyib: "Biz virusun özünü təkrarlamasında rol oynayan 'RdRp' və 'Nsp14' genləri ilə ağ ciyərə yapışan sünbül zülalındakı mutasiyaları izlədik. Bu mutasiyaları daşıyan virusların yayılma surətinin çox olduğunu və daha tez yoluxacağını düşünürük. Bu isə, koronavirusun dəyişkənliyini və mümkün yoluxucu təsirlərini proqnozlaşdırmağa imkan verir".