Aztibb.az xəbər verir ki, tanınmış həkim-reanimatoloq Şahin Məmmədov bu suala aydınlıq gətirib.

 

"Bəli, nəinki vurdura bilərsiniz, hətta vaksinləri kombinasiya etmək, qarışdırmaq daha məsləhətdir. Buna görə tədqiqatlar da aparılıb", - deyə həkim bildirib. Əlavə edib ki, ənənəvi vektor vaksinləri ilə yeni era mRNA vaksinlərini (Pfizer) kombinasiya etmək daha güclü immunitet yaradır, nəinki eyni vaksini iki dəfə vurdurmaq. Hətta tədqiqatda vektor+mRNA kombinasiyası iki mRNA vaksininin əmələ gətirdiyi immunitetdən də güclü olub.

 

Ş.Məmmədovun sözlərinə görə, "Delta" variantından qorunmaq üçün vaksinlərin dəyişik vurulması məsləhət görülüb. Əvvəlcə "Sinovac" sonra "Pfizer" vurulması daha məsləhətdir, nəinki əvvəlcə "Pfizer" sonra "Sinovac". Həmçinin iki vaksinin kombin edilməsi zamanı əlavə təsirlər də az görülüb və daha təhlükəsiz olduğu məlum olub.