SMA xəstəsi olan Tunar Bağırovun sözügedən xəstəlikdən xilas olması üçün ona müalicə aldığı ABŞ-ın Boston şəhər xəstəxanasında "Zolgensma" iynəsi vurulub.
Aztibb.az xəbər verir ki, "Zolgensma" dünyanın ən bahalı iynəsi hesab olunur. Bir infuziya təxminən 2,125 milyon dollara başa gəlir.
Qeyd edək ki, bir yaşlı Tunar Bağırov I növ onurğa amiotrofiyasından (Werding-Hoffmann xəstəliyi) əziyyət çəkirdi. Onun sağlamığına qovuşması üçün “Zolgensma” gen terapiyası preparatına ehtiyac vardı. Heydər Əliyev Fondunun Prezidenti Mehriban Əliyevanın tapşırığı ilə Fond SMA xəstəliyindən əziyyət çəkən Tunar Bağırovla bağlı özəl sektorda fəaliyyət göstərən şirkətlərə müraciət edərək, irkətləri azyaşlının sözügedən xəstəlikdən xilas olması üçün başladılan kampaniyaya qoşulmağa çağırmışdı.