Çində müxtəlif şirkətlər tərəfindən hazırlanan vaksinlər iyul ayından etibarən ölkə daxilində məhdud fövqəladə vəziyyətlərdə istifadə edilir.

Aztibb.az xəbər verir ki, bunu Milli Səhiyyə Komissiyasının Elm və texnologiya mərkəzinin rəhbəri Zheng Zhongei "CCTV" kanalına verdiyi açıqlamasında deyib.

O, bildirib ki, hökumət səhiyyə işçiləri, gömrük əməkdaşları kimi riskli sahələrdə işləyənlərə fövqəladə vaksin vurulması ilə bağlı icazə verib:

"Qanuna əsasən, təsdiqlənməmiş vaksinlərin yalnız bəzi şəxslər üzərində məhdud istifadəsinə icazə verilir.

İyulun 22-dən etibarən bəzi insanlar peyvənd olunub və COVID-19-un yayılmasına nəzarət etmək üçün bu say artırıla bilər".