Zeytun yağında olan squalen adlı maddə immuniteti gücləndirir.

Aztibb.az xəbər verir ki, bunu Türkiyənin Selçuk Üniversitetinin Biyokimya bölməsinin müəllimi İsmail Tarhan deyib.

O, bildirib ki, dünyada və Türkiyədə istehsal olunan zeytun yağları ilə bağlı araşdırma aparıblar.

"Araşdırma zamanı Yunanıstan, İspaniya, İtaliya və Portuqaliyada istehsal olunan zeytun yağı markaları ilə müqayisədə Türkiyənin zeytun yağlarında squalen maddənin faizinin daha yüksək olduğu məlum olub. Təxminən bir litr zeytun yağından bir qrama yaxın squalen əldə olunur. Bu, köpək balığından squalen maddəsinin əldə edilməsi ilə müqayisədə daha ucuz başa gəlir".

Həkim deyib ki, bir çox ölkələrdə koronavirusa qarşı hazırlanan vaksinlərin ən əsas komponentini zeytun yağında olan squalen maddəsi təşkil edir:

"Squalen maddə bir hidrokarbon törəməsi olub, peyvəndlərdə immun artırıcı olaraq istifadə olunur. Squalen, həmçinin xərçəng əleyhinə maddə ("xərçəng agenti") olaraq effektivdir".

"Təbii süzmə zeytun yağının immuniteti gücləndirən, xərçəngə qarşı faydalı komponentlərlə zənginliyinə görə bol  istifadə olunması tövsiyə edilir", -deyə, həkim qeyd edib.