Siqaret çəkənlər koronavirusa daha çox yoluxur.

Aztibb.az xəbər verir ki, bu barədə Türkiyənin Düzce Universitetinin mütəxəssisi, həkim Abdulkadir Kaya məlumat verib.

O, bildirib ki, araşdırma nəticəsində siqaret çəkənlərin 14 dəfə daha çox koronavirusa yoluxduqları və bu səbəbdən öldükləri məlum olub.

Dr. Kaya qeyd edib ki, Türkiyədə siqarət səbəbindən il ərzində 100 mindən çox ölüm faktı qeydə alınıb:

"Dünyada siqarət hər 6 saniyədə 1 can alır. Siqaret həmçinin xərçəngin, xüsusən də ağciyər xərçənginin yaranmasına səbəb olur. Belə ki, xərçəng xəstəliyinin yaranmasının 22%-i siqaretin üzərinə düşür. Siqaret tənəffüs yolu problemləri də yaradır. Bunları nəzərə alaraq siqaretdən mütləq imtina edilməlidir".

Siqaret aludəçiliyinin bir xəstəlik olduğunu vurğulayan Dr.Kaya, bundan xilas olmaq üçün tibbi yardım alınmalı olduğunu deyib:

"Test nəticəsində xəstənin siqaret aludəçiliyinin dərəcəsini müəyyən edir, ona uyğun olan müalicə metodu (psixoloji və ya həb) tətbiq edirik. Burada əsas xəstənin qərarlılığı, iradəsi və bundan sonrakı yaşadığı həyat tərzidir. Siqareti atanların 15-i tamamilə tərgidə bilir".

"Pandemiya müddətində sosial məsafə saxlayın, maska taxın, sanitar qaydalara əməl edilin, təmiz havada gəzin və siqaretsiz həyat yaşayın", - deyə, həkim əlavə edib.