Cənubi Kiprdəki Lefkoşa Universitetinin tədqiqatçıları havadakı fərqli hissəciklərin tac virusunun yayılmasına necə kömək etdiyini simulyasiya etmək üçün bir model hazırlayıblar.

Aztibb.az xəbər verir ki, tədqiqatın müəllifi Dr. Dimitris Drikakis açıqlamasında modelləşdirmə və simulyasiya yolu ilə havadakı toz polen mikro hissəciklərinin zərif bir meh ilə necə yayıldığını və hava yolu ilə virus ötürülməsinə necə şərait yaratdığını öyrəndiklərini bildirib.

“Fluids Physics”də nəşr olunan araşdırmaya dair yazıda bildirilir ki, tədqiqat qrupu mikroskopik hissəciklərin virusun yayılmasında oynadığı rolu müəyyən etmək üçün model yaradıb.  

Mütəxəssislər müəyyən temperaturda, küləkli və rütubətlu havada uçan təxminən 10.000 polen buludunu bu modelə əlavə ediblər. Nəticədə hər toz dənəsinin yüzlərlə koronavirusu daşıya biləcəyini ortaya çıxarıblar.

Tədqiqat zamanı virusun yayılmasını öyrənmək üçün mühit seçilib. Bura yüzlərlə ağac və təxminən 20 metr məsafədə 100 nəfərlik real bir izdiham daxil idi.

Simulyasiya polenin tac virusunu ətrafa ən az 20 metr məsafədə daşıya biləcəyini və polen nisbətinin yüksək olduğu bölgələrdə iki metr sosial məsafənin kifayət etməyəcəyini ortaya qoyub.

Tədqiqat qrupu bu səbəbdən yüksək polen sıxlığı olan bölgələrdə COVID-19-un daha çox yayılmasını müşahidə etdiyini söyləyib.