Dünyaca məşhur elm adamları Özləm Türəci və Uğur Şahin tərəfindən qurulan “BioNTech” şirkəti inkişaf etdirdikləri xərçəng peyvəndinin 2-ci mərhələdə klinik sınaqlarına başlayıblar.

“Hədəfimiz 2023-cü ilə qədər bir xərçəng və MS peyvəndi təkmilləşdirməkdir. Bu “BioNTech”in xərçəng peyvəndi işində mükəmməl uğurudur”, – deyə şirkət rəsmiləri açıqlayıblar.

Aztibb.az xəbər verir ki, MRNA texnologiyası əsasında hazırlanan “BNT 111” adlı peyvənd namizəd 2-ci mərhələ klinik sınaq işləri çərçivəsində ilk dəfə bir xəstəyə tətbiq edilib.

Açıqlamada bildirilir ki, “BioNTech” xərçəng peyvəndi sınaqları üçün 120 könüllü xəstə ilə işləyəcək. Sınaqların bir hissəsi olaraq, xəstələr “BioNTech” peyvəndi və “Libtayo” adlı bir antitel müalicəsi alacaqlar. Məqsəd, peyvəndin köməyi ilə xərçəng hüceyrələrini məğlub etmək üçün immunitet sistemini gücləndirməkdir.

Özlem Türəci peyvənd namizədinin artıq etibarlı bir təhlükəsizlik profili göstərdiyini və klinik qiymətləndirmələrdə ilkin nəticələrin ürəkaçan olduğunu söyləyib.