Aztibb.az son 24 saatda dünyada koronavirusla bağlı vəziyyətə dair xülasəni təqdim edir:

Dünya üzrə COVID-19-a yoluxmaların sayı 173 milyon 536 min, həyatını itirənlərin sayı 3 milyon 732 min, sağalanların sayı isə 156 milyon 379 minə çatdı.

Xəstəliyin sayı ABŞ-da 34 milyon 193 mini, Hindistanda 28 milyon 799 mini, Braziliyada 16 milyon 841 mini, Fransada 5 milyon 701 mini keçdi.

Bu günə qədər dünyada COVID-19 əleyhinə 2 milyard 90 milyon dozadan çox peyvənd tətbiq edildi.

Hindistanda koronavirusla mübarizədə çətin şərtlərdə çalışan təxminən 3000 həkim tətilə başlamalarına məhkəmə qadağasından sonra istefa edib. Hökumət ölkədə Rusiyanın COVID-19-a qarşı hazırladığı “Sputnik V” peyvəndinin istehsalına icazə verdi.

Venesuela COVID-19 əleyhinə kütləvi peyvənd kampaniyasını planlaşdırır. Hazırda Venesuela peyvənd olunan insanların sayına görə Cənubi Amerika ölkələri arasında sonuncu yerdədir.

İngiltərədə hökumət koronavirusa qarşı mübarizədə tətbiq etdiyi məhdudiyyətləri sərtləşdirdi və beynəlxalq səyahət qadağalarını artırdı. 

Almaniyada 7 iyundan etibarən koronavirus əleyhinə 12 yaşdan yuxarı hər kəsin peyvəndlənməsi mümkün olacaq.  

İranda əhalinin yarısı peyvənd olunandan sonra kütləvi tədbirlərin keçirilməsinə icazə ilə bağlı açıqlama verildi. 

Afrikada yeni növ koronavirusdan ölənlərin sayı 132 mini keçdi. Qitədə ən çox xəstəlik Cənubi Afrika Respublikası, Fas, Tunis, Efiopiya, Misir və Liviyada aşkar edildi. 

Türkiyədə COVID-19-dan gündəlik ölümlə bağlı ən yüksək göstərici qeydə alınıb. Son sutka ərzində koronavirusdan 190 nəfər ölüb. 

Rusiya prezidenti Vladimir Putin və Argentina prezidenti Alberto Fernandez, Rusiyanın istehsal etdiyi “Sputnik V” peyvəndinin Argentinada da istehsalına başlayacağını açıqladılar. Rusiyanın Sankt-Peterburq şəhəri yeni növ koronavirus (COVID-19) infeksiyasına yoluxma sayına görə paytaxt Moskvanı ötdü.

Belçikadakı epidemiyaya qarşı mübarizə çərçivəsində 16-17 yaşlı gənclərin peyvənd edilməsinə qərar verildi.

Çin uşaqlarda COVID-19 əleyhinə “Sinovac” peyvəndinin təcili istifadəsini təsdiqlədi. Yoluxmaların artdığı Çinin cənubundakı bölgələrdə geniş COVID-19 testlərinə başlanıldı. Nanşedə epidemiya tədbirləri daxilində restoranlar, idman salonları, hovuzlar və digər ictimai yerlər müvəqqəti olaraq bağlanıldı.