Türkiyənin Ankara Şəhər Xəstəxanasının Ağciyər Transplantasiya Mərkəzində kistik fibroz diaqnozu qoyulmuş qadına ilk dəfə ağciyər transplantasiyası edilib.

Aztibb.az xəbər verir ki, 15 ildir bu xəstəliklə yaşayan Zeynəb Gülbadə Türkaslan müvəffəqiyyətli bir əməliyyat sayəsində sağlamlığına qovuşub.

Kistik fibroz diaqnozu qoyulmuş 15 yaşlı Zeynəb Gülbadə Türkaslana uyğun donor və ağciyər tapdıqdan sonra bu əməliyyat baş tutub. Təxminən bir ildir tənəffüs aparatı ilə yaşayan Türkaslan əməliyyatdan sonra çox xoşbəxt olduğunu söyləyib və orqan bağışlamaq imkanında olan hər kəsi bu humanist addımı atmağa dəvət edib.

Qeyd edək ki, kistik fibroz qalıcı ağciyər infeksiyasına səbəb olan və zamanla nəfəsalma qabiliyyətini məhdudlaşdıran proqressiv, genetik xəstəlikdir. Onun əsas simptomlarına uşaqlıq dövründə keçirilən kəskin ağciyər xəstəlikləri və xroniki steatoreyaya səbəb olan mədəaltı vəzinin ekzokrin çatışmazlığı aid edilir. Kistik fibroz ilə əlaqəli qalın, yapışqan selik, tez-tez ağciyərlərə hava aparan yollara təsir edir və hava axınına maneə törədir.