Sistitin yaranma səbəbləri aşağıdakılardır:

 

1. Sidikçıxarıcı kanaldan sidik kisəsinə daxil olmuş bakteriyalar. Adətən yoğun bağırsağın normal florası olan Escherichia coliyə, (bağırsaq çöpləri), bəzən isə digər bakteriyalara rast gəlinir.

2. Bədənin aşağı hissələrinin soyuması (dənizdə uzunmüddət olduqda, yaş paltar) qan dövranının intensivliyini pozaraq, immun sistemin zəifləməsinə səbəb olur.

3. Keçirilmiş virus infeksiyasından sonra immunitetin zəifləməsi nəticəsində ikincili bakterial floranın aktivləşməsi.

4.Hipovitaminoz (orqanizmdə vitamin çatışmazlığı).

5. Azhərəkətli həyat tərzi (kiçik çanaq orqanlarında və sidik kisəsində qan dövranının pozulması).

7. Tam dəyərli qidalanmanın olmaması.

8. Cinsi orqanların gigiyenasının pozulması.

9. Sidik kisəsinin tam boşalmaması.

 

Sistit zamanı tez-tez və yandırıcı ağrı, pis qoxulu, bulanlıq və bəzən qanlı sidiyəgetmə, bel nahiyəsində daimi ağrılar müşahidə olunur. Yaşlılarda və uşaqlarda simptomlar o qədər də kəskin olmur. Onlarda yeganə simptom qızdırma, titrətmə, qarnın aşağı nahiyəsində ağrı, ürəkbulanma da ola bilər. Düzgün müalicə olunmamış sistit xroniki formaya keçə bilər və sidikçıxarıcı yollarla yuxarı qalxaraq böyrəkləri zədələyə bilər ki, bu da daha ciddi və təhlükəli xəstəliklərin yaranmasına gətirib çıxarar. Ona görə də fəsadlardan və ağırlaşmalardan qorunmaq üçün ilk simptomlarla rastlaşdığınız zaman dərhal müalicəyə başlamaq lazımdır.