Almaniyanın Lippştadt şəhərindəki klinikanın serverinə kiberhücum yeni pasiyentlərin qəbulunda fasilə yaranmasına səbəb olub.

Aztibb.az xəbər verir ki, cinayətkarlar tərəfindən bu müalicə müəssisəsinin kompüter sisteminə zərərli proqramın məsafədən daxil edilməsi nəticəsində xəstəxananın işçi heyəti bu günə təyin olunmuş bütün əməliyyatları təxirə salmağa məcbur olub.

Klinikanın bütün informasiya-kommunikasiya sistemi “donub”, pasiyentlərin qeydiyyata alınması və onların epikrizlərinin sənədləşdirilməsi proqramı korlanıb. Burada haker hücumunun nəticələri aradan qaldırılana qədər yalnız təxriəsalınmaz xidmətlər göstəriləcək.

Hadisə ilə əlaqədar cinayət işi başlanıb.