Aztibb.az "Həkimlərimizi tanıyaq!" rubrikasında üz-çənə cərrahı, tibb üzrə fəlsəfə doktoru Vüqar Qurbanov haqqında məlumatları təqdim edir.
Vüqar Qurbanov 2004-2009-cu illərdə Azərbaycan Tibb Universitetinin Stomatologiya fakültəsində təhsil alaraq universiteti fərqlənmə diplomu ilə bitirib.
Peşəkar bilik və bacarıqlarını artırmaq
məqsədilə müxtəlif illərdə Türkiyənin aparıcı universitetlərində, o cümlədən Ankara Universitetinin “Oral and Maxillofacial” cərrahiyyə bölməsində, İstanbul Universitetinin (Çapa) “Oral İmplantologiya” bölümündə və Erciyes Universitetində təcrübə və təkmilləşmə proqramlarında iştirak edib.
O, 2009–2010-cu illərdə ağız-üz-çənə cərrahiyyəsi üzrə internatura təhsili alıb. 2018-ci ildə Ali Attestasiya Komissiyasının qərarı ilə tibb üzrə fəlsəfə doktoru elmi dərəcəsinə layiq görülüb.
2018-ci ildə OMU-nun Plastik və Rekonstruktiv Cərrahiyyə, eləcə də Qulaq-Burun-Boğaz və Baş-Boyun Cərrahiyyəsi kafedralarında təcrübə keçib.
Vüqar Qurbanov 2021-2022-ci illərdə Respublika Klinik Xəstəxanasının üz-çənə cərrahiyyəsi şöbəsində həkim kimi fəaliyyət göstərib. 2023-cü ildə Abşeron Rayon Mərkəzi Xəstəxanasında üz-çənə cərrahiyyəsi şöbəsini quraraq 2024-cü ilin oktyabr ayınadək şöbə müdiri vəzifəsində çalışıb.
2024-cü ildən Naxçıvan Dövlət Universitetində müəllim kimi fəaliyyət göstərir.
Hazırda Sabunçu Tibb Mərkəzinin Üz-çənə cərrahiyyəsi şöbəsinin müdiri vəzifəsində çalışır.
Vüqar Qurbanov 44 günlük Vətən müharibəsində və antiterror əməliyyatlarında iştirak edib. Müharibə və antiterror əməliyyatları zamanı 50-dən çox uğurlu cərrahi əməliyyat icra edib.
