“Allergiya və Kliniki İmmunologiya” (Journal of Allergy and Clinical Immunology) jurnalının həmmüəllifi Reynold Panettierinin sözlərinə görə yaşlılıq və ürək xəstəlikləri, yüksək qan təzyiqi, xroniki obstruktiv ağciyər xəstəliyi, şəkərli diabet və piylənmə kimi xəstəliklərdə COVID-19-un inkişafı və irəliləməsi üçün risk faktorları yüksəkdir. Lakin astma xəstəsi olan, hətta astmatik iltihabı idarə etmək üçün müalicə olunan, ağciyər funksiyası pozulan insanlar astması olmayan insanlardan fərqli olaraq, SARS-CoV-2-yə daha az yoluxur. Bəzi alimlər bunun səbəbini psixoloji vəziyyət və ya iltihablaşmanı düzgün idarəetmədə görürlər.

Aztibb.az sciencedaily.com saytına istinadən xəbər verir ki, tez-tez astma hücumlarından qorunmaq üçün istifadə olunan inhalyasiya edilmiş kortikosteroidlər də virusun infeksiya qabiliyyətini azalda bilər. Lakin tədqiqatlar steroidlərin bədənin immun reaksiyasını azalda biləcəyini və iltihab reaksiyasının ağırlaşdığını göstərdi. Eləcə də, steroidlərdə SARS-CoV-2-yə bənzər SARS və MERS virusunun tənəffüs yollarından təmizlənməsinin gecikməsi və bununla da COVID-19-un nəticələrinin pisləşdiyi sübut olundu.

SARS-CoV-2 bədəndə qan damarlarını nizamlayan hüceyrələrdə disfunksiyaya səbəb olan bir xəstəlik olduğu üçün diabet, ürək xəstəliyi, piylənmə və əlaqəli digər xəstəlikləri olan insanlar astmatik olanlara nisbətən virusa daha həssasdırlar, - deyə R. Panettieri əlavə edib.