Karabük Universitetindən Dos. Dr. Eftal Şehirli və PhD tələbəsi Abdullah Alesmaeil dırnaq yemə vərdişlərinin qarşısını almaq üçün süni intellekt dəstəkli ağıllı saat tətbiqi hazırlayıb. Bildirilib ki, sistem istifadəçinin əl hərəkətlərini hiss edərək dırnaq yemə davranışını aşkar edir və səsli xəbərdarlıqla bu vərdişdən əl çəkməyə kömək edir.

Aztibb.az T24-ə istinadən yazır ki, bununla bağlı araşdırma aparılıb. Tədqiqat çərçivəsində süni intellekt dəstəkli ağıllı saat tətbiqi hazırlanıb. Sistem əl hərəkətlərini hiss edərək dırnaq yemə davranışını aşkar edir və səsli xəbərdarlıqla istifadəçiyə bu vərdişdən əl çəkməyə kömək edir. Üç mərhələli analiz metodu ilə işləyən tətbiq yüksək müvəffəqiyyət nisbəti təklif edərək, hərəkəti 93 faiz dəqiqliklə müəyyən edir.

Dırnaq dişləməsinin qarşısını almaq 3 mərhələdən ibarət idi və alim bunu kompüter mühəndisliyi üzrə doktorantı ilə birlikdə hazırladı. Əgər ağıllı saatımız varsa, proqram arxa planda işləyir. Əlimiz nəzarətsiz bir şəkildə ağzımıza getdikdə bir neçə saniyə ərzində həyəcan siqnalı verir.