Kardioloq Yuliya Marşintseva “Moskva 24” telekanalına müsahibəsində bildirib ki, keçici işemik hücum kimi də tanınan mikroinsultun əsas simptomlarına baş ağrısı, başgicəllənmə və qısa müddətli huşunu itirmə daxildir.

Aztibb.az xəbər verir ki, vəziyyətin digər əlamətləri arasında müvəqqəti görmə itkisi, afaziya kimi danışma problemləri və bədənin bir tərəfində zəiflik, uyuşma daxildir. Həkim izah edib ki, mikroinsult adətən damar anomaliyaları, lövhələrin olması və ya yüksək qan təzyiqi səbəbindən inkişaf edir.

Qeyd edib ki, sadalanan simptomlar görünsə, işemik insultun inkişafının qarşısını almaq üçün dərhal həkimə müraciət etmək vacibdir.

Bu kimi narahatlıqların yaşanmaması üçün sağlam həyat tərzi sürməlisiniz, lövhə meydana gəlməməsi üçün xolesterol səviyyəsini azaltmalı və qan təzyiqinə nəzarət etməlisiniz. O, həmçinin əlavə edib ki, beyin və boyun damarlarını mütəmadi olaraq yoxlamaq vacibdir, çünki damarlar spiral formada olduqda, əyilmənin olması insult üçün əlavə risk faktorudur.