“Mənim oğlum qəhrəmandır” layihəsi çərçivəsində həssas kateqoriyalardan olan 20 naxçıvanlı şəhid anası ətraflı tibbi müayinələrdən keçirilməsi üçün Bakı Sağlamlıq Mərkəzində gətirilib.

Mərkəzdən Aztibb.az-a verilən xəbərə görə, şəhid anaları kardioloji, endokrinoloji, şüa-diaqnostika və nevroloji müayinələrdən keçib. Onlara EKQ, ExoKQ və USM müayinəsi və müasir beynəlxalq standartlara cavab verən laborator müayinələr də aparılıb.

Həkimlər tərəfindən müayinələrin nəticələrinə əsasən xəstələrə müvafiq müalicələr təyin edilib, digər patologiya aşkar olunan şəxslər isə ixtisaslaşmış tibb müəssisələrinə yönləndiriliblər.

Bakı Sağlamlıq Mərkəzi Vətən müharibəsi zamanı şəhid olmuş vətəndaşlarımızın birinci dərəcəli qohumlarının tibbi xidmətlərdən yararlanması, müayinə və müalicə işinin təşkili istiqamətində ciddi işlər görür. Vətən müharibəsində şəhid olan insanlarımızın ailə üzvlərinin sağlamlığı daim diqqət mərkəzində saxlanılır.