Böyrək xəstəliklərinin dünya miqyasında ölüm səbəbləri arasında 7-ci yeri tutduğu və hər il 11 milyon insanın bu xəstəlikdən öldüyü bildirilir.

Aztibb.az "Medimagazin"ə istinadən yazır ki, böyrək xəstəlikləri dünyada milyonlarla insanı birbaşa və ya dolayısı ilə təsir edən və çox vaxt məkrli şəkildə irəliləyən ciddi sağlamlıq problemləri sırasındadır.

Qlobal miqyasda ölüm səbəbləri arasında 7-ci yerdə olan böyrək xəstəliklərinin lazımi tədbirlər görülməsə qarşıdakı illərdə 5-ci yerə yüksələ biləcəyi bildirilir.

Beynəlxalq Nefrologiya Cəmiyyətinin apardığı araşdırmalara görə, dünyada təxminən 850 milyon insan böyrək xəstəliyindən əziyyət çəkir və hər il 11 milyon insan bu xəstəlikdən ölür. Yüksək gəlirli ölkələrin illik səhiyyə büdcəsinin təxminən 3 faizi dializ və böyrək transplantasiyası xərclərinə ayrılır.