Azərbaycan Televiziyasının “Hədəf” verilişində koronavirusa qarşı dövlət tərəfindən atılan addımlar, mövcud vəziyyət, əldə olunan nəticələr, xəstəliyin müalicəsi məsələləri ilə bağlı müzakirələr aparılıb.

Aztibb.az xəbər veri ki, verilişin qonağı olan Bakı Şəhər Baş Səhiyyə İdarəsinin (BŞBSİ) rəisi Nelli Veysova COVID-19-la bağlı məsələlərə aydınlıq gətirib.

Koronavirus xəstələrinin evdə müalicəsi məsələsinə toxunan N.Veysova deyib ki, evdə yüngül simptomlu və ya simptomsuz xəstələr müalicə edilir. O, qeyd edib ki, evdə müalicə zamanı müsbət nəticələr əldə olunmaqdadır.

İdarə rəisinin sözlərinə görə, evdə müalicə tətbiq ediləndən bu günədək təcili tibbi yardıma müraciətlərin sayı azalıb. Bununla yanaşı, N.Veysova deyib ki, ağır simptomlu xəstələrin xəstəxanalara müraciət etməsi mütləqdir: “Belə xəstələrin stasionar tibb müəssisəsində müalicə alması mütləqdir”.