Britaniyanın Şeffild Universitetinin alimləri plastikin ləğv edilməsi və onun alternativ materiallarla əvəzlənməsinin mənfi nəticələrini aşkar ediblər.

Aztibb.az xəbər verir ki, “Environmental Science & Technology” jurnalında dərc edilən məqalədə bunun yalnız istixana qazı emissiyalarını artıracağı iddia edilir.

Tədqiqatçılar plastik və onların əvəzedicilərinin (məsələn, şüşə və metallar) müxtəlif sahələrdə istifadəsini təhlil ediblər. Qablaşdırma, tikinti, avtomobil, tekstil və davamlı istehlak malları və s.

Müəyyən edilib ki, plastikdən istifadə alternativlərə nisbətən daha az karbon emissiyasına malikdir.

Bununla belə, unutmamalıyıq ki, plastikin təbii mühitdə təkrar emal edilməsi çox uzun çəkir və bu, onun üstünlüklərinin çoxunu dərhal aradan qaldırır. Mütəxəssislər hesab edirlər ki, bu materialdan imtina etmək əvəzinə, onun istifadəsini optimallaşdırmağa dəyər.