Texas Universitetinin alimləri Alzheimer xəstəliyi ilə diabet arasında əlaqə tapıblar.

Alimlər tərəfindən siçanlar üzərində aparılmış yeni bir araşdırma, tip 2 diabetli insanlarda Alzheimer xəstəliyinin inkişafı ilə nəticələnə biləcək molekulyar proseslər haqqında məlumat verib.

Aztibb.az xəbər verir ki, araşdırma haqqında “MedicalXpre” saytında məlumat verilib.

"Biz düşünürük ki, diabet və Alzheimer xəstəliyi bir-biri ilə sıx bağlıdır və profilaktik və ya diabeti gücləndirən tədbirlər görməklə Alzheimer demans simptomlarının inkişafının qarşısını ala və ya ən azı əhəmiyyətli dərəcədə yavaşlada bilərik", - deyə tədqiqat rəhbəri Narenda Kumar bildirib.

Alimlər müəyyən ediblər ki, yüksək yağlı pəhriz Jak3 adlı zülalın ifadəsini boğur. Bu zülalı olmayan siçanlar bağırsaqlarda başlayan iltihabı inkişaf etdirib. Nəticədə, siçanlar Alzheimer xəstəliyinə bənzər əlamətlər göstərib.

"Qaraciyər yediyimiz hər şeyin metabolizatorudur və biz bağırsaqdan beyinə gedən yolun qaraciyərdən keçdiyini düşünürük. İltihab prosesini sağlam qidalanma və şəkər səviyyənizi nəzarət altına almaqla dayandırmaq olar", - deyə tədqiqat rəhbəri qeyd edib.