Terapevt İrina Dvorkina hesab edir ki, meyvə, tərəvəz, taxıl və az yağlı süd məhsulları ilə zəngin olan xüsusi pəhriz qan təzyiqini aşağı salmağa kömək edə bilər.

Aztibb.az “Med Novelty” portalına istinadən xəbər verir ki, bu, xüsusilə böyrək xəstəliyindən əziyyət çəkənlər üçün vacibdir, çünki onların təzyiqi tez-tez yüksəlir.

Bədəndə toksinlərin yığılmasının qarşısını almaq məqsədilə həkim böyrəklər üçün yükü azaltmağı, yəni pəhrizdə protein və fosforu məhdudlaşdırmağı tövsiyə edir.

“Böyrək xəstəliyi olan insanlar tez-tez su və duzun miqdarını məhdudlaşdırmalıdırlar. Bu, bədəndə mayenin tutulmasının qarşısını almağa kömək edəcəkdir. Xüsusilə ödem və sidik ifrazı ilə bağlı problemlər üçün vacibdir”, - deyə ekspert yekunlaşdırıb.