Yeni araşdırmalar göstərib ki, Qərbi Antarktida buz təbəqəsi təxminən 8000 il əvvəl kəskin və sürətlə şəkildə kiçilib. Bu, təxminən 600 metr uzunluğunda bir buz nüvəsinin tədqiqi ilə öyrənilib. Araşdırma alimləri hansı müasir risklər barədə xəbərdar edir?

Aztibb.az xəbər verir ki, “Nature Geoscience” jurnalında dərc edilən araşdırmaya görə, Antarktidanın buz örtüyünün bir hissəsinin cəmi 200 il ərzində incəlməsi 450 metr təşkil edib. Bu “Empire State Building”dən daha böyük bir hündürlükdür.

Antarktidada buzların bu qədər sürətli və bol əriməsi ilə bağlı ilk dəfə olaraq dəqiq məlumatlar əldə edilib. Alimlər bilirdilər ki, son buz dövrünün axırlarında buz örtüyü indikindən daha böyük olub. Ancaq ərimənin nə vaxt baş verdiyini və nə qədər geniş olduğunu mütəxəssislər təxmin etmirdilər.

Britaniya Kembric Universitetinin qlasioloqları bu səhvi düzəldiblər. Məlum olub ki, buz örtüyünün əriməsi həmin qədim dövrlərdə, sonuncu buz dövrünün başa çatmasından sonra çox sürətlə baş verib. Alimlər vəziyyəti bugünkü iqlim problemləri ilə əlaqələndiriblər, bu gün və ya yaxın gələcəkdə buzlaqların eyni dərəcədə sürətlə əriməsi ehtimalının narahatlıq doğurduğunu vurğulayıblar.

Qeyd olunanlar fəlakətli nəticələrə gətirib çıxara bilər və dəniz səviyyəsinin qlobal qalxmasına səbəb ola bilər ki, bu isə sahilyanı şəhərlərdə dağıdıcı sel təhlükəsi yaradır.