Amerikalı milyarder İlon Mask X (əvvəllər Twitter, Rusiyada bloklanmış) sosial şəbəkəsindəki səhifəsində Neuralink çipinin insan beyninə ilk uğurlu implantasiyası haqqında yazıb.

Aztibb.az “Discover 24” portalına istinadən xəbər verir ki, tanınmış rusiyalı həkimlər Alexander Myasnikov və Mariya Belyayeva bu xəbəri şərh ediblər.

“Onda hər şey inkişafın kimin əlində olacağından asılı olacaq. Müxtəlif variantlar mümkündür: ya ağır xəstələrə həyatın qaytarılması, ya da azad insan övladının sonu", - deyə həkim A.Myasnikov bildirib.

Onun sözlərinə görə, İlon Maskın çipi tibbdə inqilaba çevrilə bilər, lakin hər şey cihazın əhatə dairəsindən asılı olacaq. Çünki yüksək texnologiyalı cihaz bəşər övladının azadlığına qarşı istifadə edilə bilər.

“İstehsalçı çipin insan sağlamlığı üçün təhlükəsiz olduğunu iddia edir, lakin uzunmüddətli tədqiqatların nəticələri olmadan dəqiq bir şey söyləmək mümkün deyil. İmplantın düzgün quraşdırılması mühüm rol oynayır, çünki meymunlar üzərində aparılan təcrübədə səhv yerləşdirilibsə, beyin ödemi, ağrı və iflic kimi fəsadlar yaranırdı. Ehtimal etmək olar ki, insana belə çip quraşdırmadan əvvəl mümkün fəsadlar və risklər nəzərə alınıb”, - Mariya Belyayeva bildirib.