Gəncə Şəhər Birləşmiş Xəstəxanasının nəzdində fəaliyyət göstərən Abbas Səhhət adına xəstəxanaya 68 yaşlı qadın sidik qaçırma, bel ağrısı və bu kimi digər şikayətlərlə müraciət edib. İlk olaraq qadın müayinə olunub və nəticədə pasiyentə total prolapsus (uşaqlığın total sallanması) diaqnozu qoyulub.

Bu məlumat Aztibb.az-a Gəncə ŞBX-dan verilib.

Pasiyentə vaginal histerektomiya, sistesolin və rektoselin bərpası icra edilib. Əməliyyatı Ginekologiya və doğum şöbəsinin uzman həkim-mama-ginekoloqu Gülnar Səmədova və həkim mama-ginekoloq Səbinə Quliyeva icra ediblər.

Qeyd edək ki, pasiyentdə qarında kəsik aparılmadan vaginal yolla histerektomiya əməliyyatı edilib.

Pasiyent uğurlu əməliyyat üçün həkimlərə təşəkkürünü bildirib.