Klinik tədqiqatlar probiyotiklərin immunitet sistemini dəstəkləməkdə qrip və COVID-19 daxil olmaqla tənəffüs xəstəliklərinin qarşısının alınmasında mühüm rolunu ortaya qoyub. Tədqiqatın əsas məqsədi tərkibində laktobasilli Lacticaseibacillus rhamnosus olan probiotik preparatdır.
Aztibb.az “Clinical Nutrition” jurnalında dərc olunan məqaləyə istinadən xəbər verir ki, bununla bağlı tədqiqat pandemiya zamanı, 2020-ci ilin sonundan 2021-ci ilin əvvəlinə qədər aparılıb.
İştirakçılar COVID-19 xəstələri ilə yaxın təmasda olan könüllülər olublar. Onların yarısı 28 gün ərzində probiyotik qəbul edib. Nəticələr probiyotiklərin əhəmiyyətli faydasını göstərib: probiotik qəbul edənlərin yalnız 26,4%-i Covid və ya ARVI ilə xəstələniblər, diggər qrupu arasında isə bu rəqəm 42,9% olub.
Tanınmış mikrobioloq, Corc Meyson Universitetinin professoru Ança Baranova nəticələri şərh edərək qeyd edib ki, apteklərdə mövcud olan probiotiklərin tərkibində çoxlu faydalı mikroorqanizmlər var. Dərmanın tərkibinə immunitet sistemini gücləndirən, orqanizmin soyuqdəymə və viruslara qarşı müqavimətini artıran 16 müxtəlif ştam var. Professor A.Baranova vurğulayıb ki, bir dərmanda çoxsaylı ştamların olması onu xüsusilə yoluxucu xəstəliklərlə mübarizədə effektiv edir.
Sonda Ança Baranova qrip və digər kəskin respirator virus infeksiyalarının qarşısını almaq üçün probiyotiklər kursunu qəbul etməyi tövsiyə edib. O, xüsusilə yoluxmuş insanlarla təmasda olduqdan sonra profilaktik tədbir kimi probiyotiklərin qəbulunun vacibliyini vurğulayıb.