Naxçıvan Muxtar Respublikası səhiyyə nazirinin birinci müavini, nazir vəzifələrini icra edən Samiq Sadıxov rayonlarda vətəndaş qəbulu qrafikinə uyğun olaraq Şərur Regional Tibb Mərkəzinin tabeliyində olan Şərur Rayon Mərkəzi Xəstəxanasında vətəndaş qəbulu keçirib.

Naxçıvan MR Səhiyyə Nazirliyindən Aztibb.az-a bildirilib ki, qəbulda nazirliyin aidiyyəti struktur bölmələrinin rəhbərləri də iştirak ediblər.

213 vətəndaşın müraciətinə baxılıb. Müayinə, müalicə, işlə təmin olunma və digər mövzuları əhatə edən müraciətlər diqqətlə dinlənilib və bir sıra məsələlər yerində həll olunub. Digər müraciətlərin araşdırılması və qanunvericiliyə uyğun baxılması məqsədilə aidiyyəti struktur bölmələrinin rəhbərlərinə müvafiq tapşırıqlar verilib.