Ürəyindəki anadangəlmə 'tunel' səbəbiylə ürək çatışmazlığı ilə dünyaya gələn körpə Ünal 1,5 aylıq olarkən edilən açıq ürək əməliyyatı ilə sağlam həyata qovuşub.
Aztibb.az “TRT Haber”ə istinadən xəbər verir ki, doğuşdan sonra bədəninin müxtəlif nahiyələrində izlər aşkarlanan körpə İzmirdə Sağlamlıq Elmləri Universiteti (SBU) tərəfindən müayinə olunub. O, Behçet Uz Uşaq Xəstəlikləri və Cərrahiyyə Təhsil və Araşdırma Xəstəxanasına götürülüb.
Xəstəxananın uşaq kardiologiya xidmətində müayinə olunan körpənin ana bətnində olarkən sol mədəcikdən aorta arteriyasına qədər uzunluğu 2 santimetr, eni 1 santimetr olan “tunel” əmələ gəldiyi müəyyən edilib.
SBÜ İzmir Tibb Fakültəsi Müəllim və Uşaq Ürək və Damar Cərrahiyyəsi Klinikasının professoru Dr. Mustafa Karaçelikin qərarı ilə körpə təcili əməliyyata alınıb. Üç saatlıq əməliyyatla müalicə olunan körpə Ünalın ürəyindəki “tunel” bağlanıb.
Əməliyyatı reallaşdıran Prof. Dr. Mustafa Karaçelik körpə Ünala çox nadir xəstəlik olan
"aorta-sol mədəciyin tuneli xəstəliyi" diaqnozu qoyulduğunu və ürək çatışmazlığının qarşısını almaq üçün təcili əməliyyat etdiklərini açıqlayıb.