ABŞ-da müvəffəqiyyətli sağalmadan üç ay sonra koronavirus infeksiyasına yenidən yoluxan şəxs həkimə müraciət edib.

Vaşinqtonun 50 yaşlı sakinində ona artıq tanış olan simptomlar yaranıb. Şəxsdə üç ay əvvəl olduğu kimi, boğazda ağrı, öskürək meydana çıxıb.

Aztibb.az popmech.ru resursuna istinadla xəbər verir ki, ilk dəfə həmin insanda SARS-cov-2-yə yoluxma təsdiqləndiyi zaman o, müalicə kursu keçərək müvəffəqiyyətlə sağalmışdı. Lakin indi COVID-19 testi yenidən müsbət nəticə göstərib. Əvvəlki şikayətlərə qızdırma, təngənəfəslik və oksigen çatışmazlığı əlavə olunub.

Həkimlər qeyd edirlər ki, SARS-CoV-2-yə yenidən yoluxma mümkün olursa, ehtimal ki, bəşəriyyət koronavirusa qarşı kollektiv immuniteti təbii yolla qazanmağa müvəffəq olmayacaq. İstisna edilmir ki, vaksinlər yalnız qısa müddətli müdafiəni təmin edəcək.